#5 更新版
我盯著阿翔的臉猜測他在想什麼，只見他有點臉紅，尷尬的表情似乎相當真心。
看到這種像小朋友討糖吃的表情，心底不知哪個柔軟部份突然母性泛濫，覺得自己不應該欺負他。
當我清醒過來時，我早已雙手接過禮物，他的表情也亮了起來。
我唯有急急補充︰
「我……我只係暫時代你保管住先，唔代表我原諒你架！」
「嗯嗯，唔緊要。麻煩你啦。」
他點點頭，臉上泛起溫暖的笑容。
不知為何，這次換我有點尷尬，只能悄悄別開臉。
.
把禮物放進裙袋之後，我催促阿翔快走。
他卻邊走邊戀戀不捨地輕撫lab檯lab椅，我好辛苦才把他趕出去，鬼鬼祟祟回到四樓的課室。
幸好Abby和阿堅都安全，只有阿堅校服弄髒了一點。
我跟他們說此地不宜久留，阿堅提議去附近找家麥當當更安心。
我們走的時間，阿翔還在逐一細看每一扇門，每一塊貼著照片的壁報。
我忍不住白眼︰
「你究竟想搵啲咩呢？」
「冇……我只係想感受下呢間學校嘅味道。」
嘴裡說著變態的話，卻笑得相當純真。
真是怪人，究竟在想什麼啊？
一直觀察著阿翔，我不知不覺跟他們一起去到街尾的麥當當。
因為這一帶中學林立，形成一個龐大的社交圈，這家麥當當早就是附近學生的聯誼寶地。
不過當上prefect之後我就不敢來這邊，只在去年跟著Ms Tiger來把師妹們趕走。
Abby挽著我的手，開心得又彈又跳︰
「好嘢～好多年冇同你一齊嚟呢度坐啦～！」
我笑了笑，連自己都搞不清楚為什麼要跟著來。
Abby來回看看我和阿翔的背影，若有所思。
.
星期六學生不多，一行四人很快就在麥當當找到位置。
阿堅和阿翔似乎早就習慣在麥當當溫書，佔了一個靠窗的角落位置，放低書包之後就去買食物，留下我跟Abby看守。
Abby靠近我耳邊輕聲說︰
「係呢，你頭先同阿翔喺Phy Lab咁耐嘅？」
我下意識按住裙袋裡的小禮物，隨口答︰
「唔……係囉，佢個死變態，唔知點解咁中意個Lab，係咁摸……」
「摸……摸？！」
「摸啲Lab檯呀……你話佢係咪好癡線？」
Abby笑得甜美︰
「嘻，都幾可愛呀～佢應該真係好中意Physics啫，阿堅話佢而家全級Physics第一架，大學仲諗住考物理系添～」
「哦……即係物理學宅男？」
Abby挽著我的手臂，雙眼閃閃發光地望住我︰
「阿Mi～我想講呢，你呢～你～嗯～」
「做咩？」
「你唔會中意阿翔架呵？」
我差點跳起來，卻被Abby拉住只能坐著︰
「咪、咪玩！呢啲咁嘅變態人渣我一微分興趣都冇囉！唔講喇我想嘔……」
「其實呢～我……我好似中意咗佢囉～」
「……咩話？邊個佢？你男神唔係阿堅咩？」
她雙手掩臉︰
「本身係架～但而家呢幾日又有少少改變……我知係我花心嘅～」
「唔係呢個問題，而係……阿翔、佢份人……你知唔知佢當年……」
當年他揭我裙底的事，我始終無法說出口。
「係嘅，我知佢當年蝦過你～但應該都係想同你玩啫～我呢，頭先佢拖住我避開Ms Tiger嗰陣呢，真係型到我想尖叫呀！同佢一齊匿埋嗰時，我～我～我真係透唔到氣，心跳得超快～嘻嘻～我呢……我真係未試過咁中意一個人架～」
她靠在我的肩上，一臉陶醉地不斷打滾。
「你……你一時衝動咋？不如你諗清楚先……仲有，我哋3月就考A-level啦，你……你不如讀好啲書先……」
Abby斜眼看著我，扁扁嘴︰
「阿Mi～我覺得今次係命運嚟架！入咗大學之後再拍拖，同中學嘅感覺肯定唔同啦～而且你同佢本身又識，唔覺得好有緣份咩～？定係……定係你……你有其他理由，所以唔想我同佢一齊？」
Abby眼神帶著X光掃視我，想看穿我是否暗戀阿翔。
我只能匆匆別開臉︰
「……好喇，我明啦。我會幫你……但你都要應承我，一定要考好A-level。」
「嗯嗯～我一定會追到佢，然後一齊考入大學！」
她臉上掛著滿滿的笑容。
.
這個下午我一直觀察著Abby和阿翔。
練Oral的時候，Abby出盡200%努力去跟阿翔討論。
聊天的時候，她也一直對阿翔問東問西。
Abby似乎是認真的，想讓阿翔當她的男朋友。
雖然Abby從中一起就上網認識男生，也曾經有過幾天分手的「男朋友」，但嚴格來說都沒怎麼見過臉，只能說是玩票性質。
如果成事的話，阿翔會成為她的初戀？
不知怎地，總覺得心裡不太舒服，又說不出理由。
回家之後，我小心地拆開阿翔的小禮物。
如他所說，這枝小櫻鉛芯筆跟我當年的不一樣，但筆頂位置同樣是小櫻的魔法權杖，相當可愛。
我伏在桌上，舞動著這枝筆，越想越覺得奇怪。
他不是說早忘了當年的事嗎？為什麼還記得我的筆是這樣子呢？
而且，他說以後也會常常見面……
.
我打開MSN，決定先找阿堅打聽一下。
還好今天阿堅硬是把他的email塞給我，我才可以在不驚動Abby的前提下做這些事。
對方很快就accept了，阿堅的MSN就跟他本人一樣，無論頭像和名稱都非常正經。
阿堅很快發來訊息︰
「Michelle，好多謝你add我。」
我打了半句中文，想想還是用回英文比較有距離感︰
「Hello, I’d like to ask something…」
「My pleasure 🙂」
我想問的是Abby和阿翔在補習社相處的情況，正盤算著怎樣問才不會太突兀，螢光幕的頂端突然彈出一個對話匣。
一個叫flying_far的電郵想加我為好友……誰？
我暫且accept了他，然後慢慢觀察。
頭像是古怪的幾何曲線，名字叫「flying far | 只想去為你 完成時光機器」。
另外開了一個MSN space「宇宙很美只因有你」，黑底白字寫的全都是些看不懂的科學討論……
這些線索加起來，結論就只有那個人吧？
於是我把阿堅的事擱在一旁，問這個flying far︰
「why do you have my email add?」
他不到2秒就回覆︰
「我問阿Bi拎架……想問下你拆咗份禮物未」
果然是阿翔。於是我反問︰
「yes, & so?」
「呃，似唔似你當年嗰枝？你中唔中意？」
「In fact I dun use anime stationaries anymore… thx anyway」
「嗯……咁樣……」
1秒後，「叮噹咚」︰
「其實我想問呢，唔知你肯唔肯原諒我……咁呢？」
----
✏陪朋友去補習社追男神，點知我中意咗男神
又曦
*中意睇嘅朋友請幫share🙏🙏
將故事從頭改過一次，1-4都有更改，得閒可以睇返
好多謝大家咁包容我呢個任性作者，下一回我寫好自動獻上～（捨身取義貌🤗）
#陪朋友去補習社追男神
上一集︰http://bit.ly/2fl5R1i
下一集︰http://bit.ly/2fD2h5Z
全集︰http://bit.ly/2wYPIZv
#自修室 #自修室系列
✏陪朋友去自修室追女神︰http://bit.ly/2kyjbRt
Search